Maaari lang gamitin ang Wallet Credits para bumili ng eligible products sa www.booking.com at maaari lang matamo, makuha, at magamit alinsunod sa mga alituntunin at paggabay ng terms at conditions na ito. Upang gamitin ang Credits, kailangan ng account sa Booking.com. Ibabawas ang mga nabili mula sa Wallet balance ng nagre-redeem. Anumang hindi nagamit na balance ay mananatili sa Booking.com account ng nagre-redeem at ia-apply sa mga nabili ayon sa pinakamaagang expiration date. Kung lumampas sa Wallet balance ng nagre-redeem ang binili, kailangang bayaran agad ang natitirang halaga gamit ang isa pang available at tinatanggap na payment method. Kung sakaling hindi mo mabayaran sa takdang oras ang natitirang balance, maaaring ma-cancel ang iyong reservation o nabili (ayon sa naaangkop) (nang walang karagdagang (paunang) abiso) at mawawala sa iyo ang anumang Credit at hindi ka magkakaroon ng karapatan sa anumang pagbabalik-bayad (maliban kung sumasang-ayon ang nauugnay na travel provider). Walang inaakong anumang pananagutan ang Booking.com para sa anumang nagamit, na-cancel, nag-expire, o nawalang Credit.

Sinisigurado ng Miyembro na tama ang lahat ng impormasyong ibinigay, kasama na pero hindi limitado sa mailing address at email address, at ang tanging may responsibilidad para sa anumang mali, hindi kumpleto, o lumang impormasyon. Lahat ng data, kasama ang personal data ay gagamitin at ibabahagi ng Booking.com at mga partner nito ayon sa hinihingi ng Wallet program o sa ilalim ng serbisyo kung saan ginagamit ang Credits. Lahat ng personal data na may kaugnayan sa pagsali ng mga Miyembro sa Wallet program ay ipoproseso at gagamitin para sa mga layunin ng pagpapatupad at pagsasagawa ng Wallet program ayon sa naaangkop na batas at regulasyon para sa data protection. Para sa karagdagang detalye, magpunta sa privacy policy ng Booking.com na available sa www.booking.com o sa Booking.com app.

Magbibigay ang Miyembro ng wastong katibayan ng pagkakakilanlan sa unang request ng Booking.com. Kapag hindi ito nagawa sa loob ng 30 araw, automatic na masususpindi o matatapos ang Wallet membership at mawawalan ng bisa ang lahat ng Credit na nakuha. Ang pagkawala, pagkanakaw, o pagkasira ng Wallet access (credentials) o Credits ay nasa kapalaran at pananagutan ng Miyembro. Hindi ire-refund, papalitan, o ie-extend ang Credits na nawala, nanakaw, o nag-expire.

May expiration period ang Wallet credit na paminsan-minsang itinatakda ng Booking.com. Puwedeng i-apply ang iba't ibang expiration period sa iba't ibang credit. Ipinapakita ang expiration date ng credit sa section ng user account settings sa www.booking.com. Hindi puwedeng i-convert ang credit sa o ma-claim (muli) bilang cash o ipambayad kung hindi man. May karapatan ang Booking.com sa lahat ng oras at nang walang paunang abiso na bawasan o singilin ang anumang credit sa anumang claim na mayroon ang Booking.com sa 'yo.

Bukas lang ang Wallet program sa mga indibidwal na edad 18 taon o mas matanda. Lahat ng taong naga-apply para maging miyembro ng Wallet program ay ituturing na nabasa, naintindihan, at tinanggap ang terms at conditions na ito. May karapatan ang Booking.com na tanggihan ang membership ng sinumang tao na hindi nakakatugon sa mga requirement ng pagsali (na paminsan-minsang itinatakda ng Booking.com).

Sa kahit anong sitwasyon, ang Wallet at Credits ay hindi maaaring ilipat, ipagkaloob, itakda, pigilan, italaga, (muling) ibenta o isama, maging mahalagang pagsasaalang-alang man o hindi, sa sinumang third party (may account o wala man ang taong iyon). Kung pumanaw ang Miyembro, isasara ng Booking.com ang account ng Miyembro na iyon at ika-cancel ang lahat ng Credit na nakuha ng naturang Miyembro pagkatanggap sa death certificate.

Dapat gawin ang lahat ng claim para sa retroactive credit sa loob ng anim (6) na buwan pagkatapos ng tinitingnang nauugnay na eligible transaction. Kailangang ipadala ang mga retroclaim sa Customer Service Center gamit ang regular mail (tingnan sa ibaba) at dapat suportahan gamit ang nauugnay na documents. May karapatan ang Booking.com na hingin sa anumang oras ang lahat ng documentary evidence ng pag-iipon ng credit. Hindi na maibabalik ang documents na ipinasa sa Customer Service Center; kaya ipinapayo naming magtago ng kopya ng documents.

Sa pagkakataong magkaroon ng pandaraya, hindi tamang paggamit, o hindi tamang pag-asal, may karapatan ang Booking.com na mag-isang magpasya o hindi mag-abiso na isara ang account, at mawawala ang lahat ng Credit (na agad na kukuhanin, mage-expire, at ika-cancel). May karapatan ang Booking.com na bawasan ang account ng sinumang Miyembro na nakakuha ng Credits sa hindi wasto o may paglabag sa terms at conditions na ito.

Sa paggamit ng Wallet, sumasang-ayon kang sumunod sa terms at conditions na ito, at hindi gagamitin ang Wallet at ang Credits sa anumang bagay nanlilito, nandaraya, hindi patas, o kung hindi man ay makakasama sa Booking.com, sa mga affiliate nito, o mga customer nito. May karapatan ang Booking.com, kahit walang pahintulot mula sa ‘yo, na suspindihin o tapusin ang Wallet at anumang nauugnay na balance na walang refund, suspindihin o tapusin ang mga customer account, suspindihin o tapusin ang kakayahang gamitin ang aming mga serbisyo, i-cancel, kuhanin, i-expire, o ipawalang-bisa ang Credits, i-cancel o limitahan ang mga order, at maningil gamit ang ibang uri ng payment, kung pinaghihinalaan namin na ang Wallet o Credits ay ginamit, o in-apply sa Booking.com (o in-apply ang Booking.com balance sa binili) nang may pandaraya, labag sa batas, o kung hindi naman ay lumalabag sa terms at conditions na ito.

Ang terms at conditions na ito ay pinamamahalaan ng at binibigyang-kahulugan alinsunod sa mga batas ng Netherlands. Sumasang-ayon ka at ang Booking.com na sumailalim sa eksklusibong nasasakupan ng mga korte ng Netherlands. Sumasang-ayon kang bayaran ang Booking.com para sa lahat ng claim ng third party laban dito o sa mga affiliate nito na nagmumula sa o kaugnay ng paglabag sa alinman sa terms at conditions na ito.

Wala kaming ibinibigay na mga warranty, hayagan man o pahiwatig, pagdating sa Wallet balance, kabilang ang walang limitasyon, anumang hayagan o pahiwatig na warranty ng merchantability o kaangkupan para sa partikular na layunin. Kung hindi pinahihintlutan ng naaangkop na batas ang mga limitasyon sa mga ipinahihiwatig na warranty o ang pagbubukod o limitasyon ng mga partikular na pagkasira, ang ilan o lahat ng nasa itaas na mga pagtanggi, pagbubukod, o limitasyon ay maaaring hindi naaangkop sa ‘yo, at maaaring mayroon kang karagdagang karapatan.

Ang Miyembro ang mananagot para sa anumang claim mula sa mga third party, kabilang ang mga tax authority, na dulot ng pagiging miyembro o paggamit sa Wallet program at Credits.

Hindi mananagot ang Booking.com para sa anumang pagkawala, gastos (kabilang, nang walang limitasyon, ang mga fee ng abogado), aksidente o abalang maaaring magmula sa o kaugnay ng paggamit o pag-redeem sa Credits.

Available sa www.booking.com o sa Booking.com app ang mga limitasyon ng pananagutan na itinatakda sa terms at conditions ng Booking.com (para sa paggamit ng website/app at online reservation service) na ganap na ia-apply (at ituturing na kasama sa at bumubuo ng mahalagang bahagi ng terms at conditions na ito).

May karapatan ang Booking.com na i-cancel, palitan, at baguhin ang terms at conditions ng Wallet na ito (kabilang ang kaayusan ng pagkuha at pag-redeem) paminsan-minsan sa sarili nitong pagpapasya nang walang paunang abiso. Naaangkop ang kabuuang terms at conditions hangga't pinapahintulutan ng batas. Walang damage claim na maaaring ihain ang mga Miyembro laban sa Booking.com bilang resulta ng mga pagbabago dahil sa legal na dahilan sa partikular na bansa.

Maaaring tapusin ng Booking.com ang Wallet program anumang oras at para sa anumang dahilan. Gagawa ang Booking.com ng makatuwirang pamamaraan para bigyan ang mga Miyembro ng paunang abiso tungkol sa pagtatapos ng Wallet program. Kung tatapusin ng Booking.com ang kontrata, mage-expire ang lahat ng credit sa loob ng anim na buwan magmula nang maabisuhan ng termination o pagkatapos ng naaangkop na validity date ng credit, anuman ang mauna.

May karapatan ang Booking.com na i-audit ang anumang at lahat ng account sa Wallet program anumang oras at nang walang paunang abiso sa Miyembro para masigurong sumusunod sa Wallet program o mag-imbestiga ng (pinaghihinalaang) pandaraya o maling paggamit.

Booking.com Customer Service 070 770 3884 (Netherlands) o customer.service@booking.com.

Para sa lahat ng komunikasyon, maaaring gamitin ang sumusunod na address: Booking.com B.V. Attention: Customer Service Department, Herengracht 597, 1017 CE AMSTERDAM, The Netherlands